DURRËS, 19 janar 2015 – Të premten, më 16 janar 2015, në ambjentet e Teatrit "Alekandër Moisiu" në Durrës, 300 fëmijë të 25 shkollave 9- vjeçare, publike dhe jopublike të qytetit u përballën në sportin e shahut ose "shkencën e mendjes".
Ky organizim erdhi në formatin e Kampionatit të gjashtë të Shahut, një veprimtari sportive kjo e Qendrës Kulturore të Fëmijëve Durrës dhe u monitorua nga z. Harallamb Boshku, mjeshtër ndërkombëtar i shahut. Përmes kësaj loje të strategjisë e planifikimit, nxënësit e talentuar durrsakë kanë mundësinë e madhe që në moshë ende të njomë të fitojnë konceptet e duhura që lidhen më mendimin kritik, me konkurrencën, me mënyrën efiçente të zgjidhjes së problemeve, si dhe shumë shprehi të tjera që loja e shahut u ofron përmes ndeshjes psikologjike, zbavitjes dhe kreativitetit.
Në përfundim të këtij kampionatit, fitues sipas kategorive u shpallën:
Kategoria I vajza Vendi I Elisa Isufi Vinçenc Prendushi
Vendi II Gentiana Peca Demokracia
Kategoria I djem Vendi I Lis Vangjel Gorea Turgut OZAL
Vendi II Armend Shuli Demokracia
Kategoria II vajza Vendi I Rozana Mustafa Nënë Tereza
Vendi II Megi Sota Vasil Ziu
Kategoria II djem Vendi I Enkelajd Halipaj 14 Nëntori
Vendi II Albion Sina Bajram Curri 2
Kategoria III vajza Vendi I Denada Bregu Hasan Koçi
Vend II Greta Jaku Jusuf Puka
Kategoria III djem Vendi I Alket Çaushi Njazi Mastori
Vendi II Devid Spiru Vinçenc Prendushi
Info
Shah (nga persishtja shah – mbret) është lojë strategjike për dy lojtarë e luajtur mbi një tabelë katrore e cila është e ndarë në 64 fusha katrorë të vegjël të cilët janë të ngjyrave të bardhë dhe të zezë ç'do fushë e bardhë kufizohet me fusha të zeza dhe anasjelltas. Në këtë lojë vetëm ngjyrat e figurave, që përcaktojnë filluesin e lojës zgjidhen rastësisht, kurse të gjitha veprimet tjera i mbesin aftësive mendore të lojtarëve. Qëllimi i lojës së shahut është marrja e figurës së mbretit të kundërshtarit.
