DURRËS, 7 nëntor 2014 –   Franca do të jetë me yjet e saj për përballjen e 14 nëntorit me Shqipërinë, e cila do të luhet në stadiumin Route de Lorient në Ren. Trajneri i bluve Didier Deschamps publikoi listën me futbollistët që do të ketë në dispozicion për takimin me kuqezinjtë dhe atë të 4 ditëve më vonë kundër Suedisë. Përballë kuqezinjve Franca do të paraqitet me yje të njohur në arenën botërore, si Karim Benzema, Paul Pogba, Antoinne Griezman, Cabaye, Raphael Varane, Sagna e Hugo Lloris. Përvec yllit të Bajernit Franck Ribery i cili ka deklaruar tërheqejen nga kombëtarja duke u bërë dhe objekt polemikash e vetmja mungesë për sa i përket emrave të rëndësishëm është ajo e Patrice Evra i cili  është i dëmtuar , po ashtu si Sakho, Mathieu, Kooscielnym e Debuchy. Deschamps ka përjashtuar nga lista Layn Kurzaëa të Monaco, ndërkohë që për të përballur mungesat në mbrojtje , ka afruar për dy përballjet e rradhës  me gjelat Perrin, Benoit Tremulinas të Sevillas, si dhe Yanga-Mbiëa të Romës, për sa i përket repartit të avancuar risia e Deschamps është sulmuesi i Lionit, Alexandre Lacazzete i cili po kalon një formë të mirë në Ligue 1. Përballja mes Francës dhe Shqipërisë do të luhet në 14 nentor, ndërkohë që FSHF në faqen e saj zyrtare në internet njofton se pranë saj janë ende në shitje biletat e vëna në dispozicion për tifozët shqiptarë që ndahen në dy kategori të ndryshme me cmimet respektive 15 dhe 65 euro.