DURRËS, 2 nëntor 2014–  Ka raste kur prindërit janë vërtet të papargjegjshëm, duke bërë shaka të hidhura me fëmijët e tyre. Siç është rasti i një çifti, të cilët e kanë trembur djalin e tyre duke i thënë se ai ishte infektuar nga virusi vdekje-prurës Ebola. Djali 9-vjeçar ka pasur temperaturë, e nëna sapo i ka matur temperaturën i ka thënë se ai kishte Ebola, ndërsa babai akoma më i papërgjegjshëm ka filmuar gjithë skenën. Nëna e djalit nuk ishte mjaftuar me fjalët se ai ishte infektuar nga Ebola, por për t’ia bërë më të besueshme, ka vënë edhe një maskë në fytyrë, ndërsa reagimi i djalit ishte vërtet tronditës, duke shpërthyer në lot. Kjo papërgjegjshmëri e prindërve shkoi edhe më larg, të cilët vendosën të publikojnë në internet gjithë skenën.