DURRËS, 28 TETOR 2014 –  Policia e Tiranës e ka nisur nga bizneset, aksionin kundër lidhjeve të paligjshme të energjisë elektrike. Pesë persona të përfshirë në biznes janë vënë në pranga nën akuzën e vjedhjes së energjisë elektrike. Burime zyrtare nga policia thanë se u vu në pranga A.D., pronar në një disko, M.K., pronar i një lavazhi, A.H.,  pronar në një firmë për prodhimin e mobiljeve, L.B., pronar i një firme ndërtimi dhe K.Ll., pronar i një servisi. Të sipërpërmendurit u arrestuan nën akuzën e lidhjeve të paligjshme të energjisë elektrike, në kuadër të aksionit të ndërmarrë për goditjen e vjedhjeve të energjisë.