DURRËS, 27 tetor 2014– Në kuadrin e operacionit “Taglia”- Prerja karabinierët neutralizuan një bandë shqiptaro-italiane, që merrej me trafikimin e sasive të mëdha të heroinës dhe kokainës. U kapën 13 kg heroinë në 26 pako, 3 kg kokainë, 100 kg paracetamol, që shërbente si përzierës i heroinës. U sekuestruan po ashtu 13 000 euro kesh si edhe një presë hidraulike, që shërbente për ambalazhimin e drogës. Karabinierët kanë zbuluar se ky grup kishte arritur të trafikonte 60 Kg. heroinë të pastër, e cila pas përzjerjes me paracetamol arrinte në 480 Kg. heroinë e gatshme për tu shpërndarë për të droguarit. Në pranga ranë shtatë shqiptar dhe tre italianë, në zona ë ndryshme të Italisë së veriut nga Parma deri në në qytetin e Imperias në Rivierë afër kufirit francez. Shqiptarët e arrestuar janë:
Gëzim Hasa, 30 vjeç ndodhet në burgun e Parmës
Velino koroveshi, 24 vjeç
Denis Tafili, 29 vjeç ndodhet në Burgun e Parmës
Lauert Greca, 24 vjeç
Ded Bajraktari, 23 vjeç
Bledar Brahimi, 28 vjeç
Dhe së fundmi, Artur Bregu, 33 vjeç i cili konsiderohet si truri dhe kapo i kësaj bande narkotrafikantësh.
/gj.th. agjencia e lajmeve “Dyrrah”/
