DURRËS, 16 tetor 2014–  UEFA ka filluar të mbledhë materiale për ndeshjen ndërmjet Serbisë dhe Shqipërisë, e cila u ndërpre tri minuta para përfundimit të pjesës së parë, pasi tifozët serbë u futën në terren dhe sulmuan kuqezinjtë, transmeton Telegrafi. UEFA ka njoftuar se të dy ekipet do të kenë kohë një javë që të dërgojnë provat e tyre, derisa vendimi do të merret me 23 tetor. “Shqipëria dhe Serbia kanë kohë shtatë ditë që t’i dërgojnë provat e veta, para se UEFA të marrë një vendim me 23 tetor”, thuhet në njoftimin e UEFA-s.