8 janar 2014 –  Shoqata e Turizmit ka kërkuar rishikimin e strategjisë nga ana e qeverise, sepse paketa e re fiskale sipas tyre eshte një goditje që i bëhet këtij sektori. Turizmi po futet në një krizë të thellë, pagesa e taksave është shumë herë më e lartë se vendet e rajonit, çka ka bërë të mos ndërtohen më resorte cilësore për gati 10 vjet. Shoqata e Turizmit ka kërkuar disa herë heqjen e TVSH-së si një lehtësi për thithjen e investimeve.Mosheqja e TVSH-së sipas tyre ka tkurrur turizmin dhe ka bërë që edhe turistët e huaj të mos e shohin vendin si një prej destinacioneve të tyre turistike, por si një tranzit, pra qëndrim pak ditor.