7 janar 2014 – 18 muaj burg janë kërkuar sot në gjykatë prokuroria e Korçës, për  Sotiraq Xegën, ish-përgjegjësin e galerisë “Guri Madhi”, në Korçë nga ku janë zhdukur 61 piktura. Prokuroria e Korçës, e ka argumentuar kërkesën për dënimin e Xegës se ka shpërdoruar detyrën duke qenë përgjegjës i galerisë.   Sotiraq Xega akuzohet nga Prokuroria  për “shpërdorim detyre”, në zhdukjen e 61 pikturave nga galeria “Guri Madhi”, ku shumica prej tyre ishin vepra të piktorit të njohur Vangjush Mio. Seanca gjyqësore u shty për në datën 17 janar, kur pala mbrojtëse do të japë argumentet e saj në lidhje me këtë ngjarje.   Në vitin 2012 nga galeria "Guri Madhi" në qytetin e Korçës u zhdukën rreth dhjetëra vepra arti, një pjesë e mirë e të cilave i përkasin piktorit Vangjush Mio.