DURRËS, 28 nëntor 2013  –Gjatë orëve të mbrëmjes së djeshme në Durrës, është mbytur një varkë me dy peshkatarë. Policia Kufitare bëri të ditur se është njoftuar nga familjarët rreth orës 20:00 të ditës së mërkurë për humbjen e kontakteve. Peshkatarët ishin nisur drejt zonës së Golemit. Policia Kufitare nisi menjëherë kerkimet në det të hapur, të cilat nuk rezultuan të suksesshme. Më pas nga njëri prej motoskafeve është parë varka e mbytur pranë kalatës Nr.0, rreth 50 metra larg varkës është gjetur trupi i pajetë i peshkatarit, Ndue Gjoka, 53 vjeç. Vazhdon operacionin për gjetjen e peshkatarit të dytë të zhdukur, i cili është shtetasi, Ram Metalia, 55 vjeç. Peshkataret ishin banore te lagjes 13.