TIRANE,10 nëntor 2013 – Sot në Gjykatën e Krimeve të Rënda  zhvillohet  seanca gjyqësore për njoftimin e masës së sigurisë për biznesmenin Arben Frroku, i akuzuar për vrasjen e kryekomisarit Dritan Lamaj. Seanca është duke u zhvilluar me dyer të mbyllura, dhe pa praninë e mediave në gjykatë. Arben Frroku u ekstradua mbrëmjen e së premtes nga Athina,  se bashku me shtetasin Jak Jaku, i dyshuar për bashkëpunim në vrasje. Ndaj Frrokut është caktuar masa e arrestit me burg nga gjykata e shkalles së parë për Krimet e Rënda në Tiranë, si i dyshuari për kryerjen e veprës penale, të vrasjes në rrethana cilësuese ndaj kryekomisarit Dritan Lamaj, në 24 shkurt të këtij viti.