9 nëntor 2013- Është tashmë zyrtare, libri me receta gatimi nga Arbana Osmani, do jetë në sirtaret e gjithë librarive në Shqipëri dhe Kosovë që nga data 8 nëntor. Këtë ka bërë të ditur moderatorja përmes rrjetit të saj social. Mësojmë se paratë që do mblidhen nga shitja e librit do shkojnë në ndihmë për fëmijët e ngujuar në Veri. Libri nuk është thjeshtë një libër i mbushur vetëm me receta, por sjell përjetimet personale të moderatores, ëshë pothuajse një album familjar i saj, i rrëfyer përmes recetave të gatimit. Libri titullohet "Receta për njerezit që dua". Për provimin e këtij libri janë ftuar emra të shumtë,  të njohur në ekranin shqiptar. 
Moderatorja e suksesshme është për momentin e angazhuar në spektaklin "E Diell", ndërsa lajmet e fundit konfirmojnë se do të drejtojë sërish "Big Brother 7" në vitin e ardhshëm.