Mat,14 gusht 2013-Tre persona kanë mbetur të plagosur, pasi automjeti në të cilën udhëtonin ka rënë në greminë në aksin rrugor Burrel-Klos. Policia bëri të ditur se rreth orës 12:00 në afërsi të urës Shulbater, një automjet tip ‘Benz’ ka dalë nga rruga dhe ka rënë nga lartësia prej 40 metrash. 
Mësohet se drejtuesi i automjetit tip Benz i identifikuar si Gani Dërguti, 50 vjeç, ndodhet në gjendje kritike për jetën si dhe 2 personat e tjerë  që udhëtonin me të janë plagosur por pa pasur rrezik për jetën.