Premtimi i kryeministrit në 22 vjetori e grevës së përgjithshme të Sindikatave
TIRANE, 18 maj 2013– Kryeministri Sali Berisha paraditen e sotme ka marrë pjesë në aktivitetin që u zhvillua në ambientet e Hotel Tirana, me rastin e 22 vjetorit të Grevës së Përgjithshme të Bashkimit të Sindikatave të Pavarura të Shqipërisë.
Kryeministri Sali Berisha u ka premtuar minatorëve uljen në 55 vjeç të moshës së daljes në pension.
Premtimi u bë me rastin e 22 vjetorit të grevës së përgjithshme të sindikatave të pavarura të Shqipërisë.
Në 22 vjetorin e grevës së parë të përgjithshme të 800 mijë punonjësve të Shqipërisë, për minatorët dhe jo vetëm ata erdhi premtimi më surprizë.
Rritja e mëtejshme e pagave dhe pensioneve është premtimi që vijon.
Për t’u kthyer tek 16 maji i 22 viteve më parë, kur Greva e Bashkimit të Sindikatave të Pavarura të Shqipërisë dhe greva e minatorëve të Valiasit bënë të mundur afrimin e zgjedhjeve parlamentare tre vjet më herët prej të cilave erdhi për herë të parë në pushtet Partia Demokratike.
Berisha tha se greva e përgjithshe në thelb nuk ishte për pagat, pensionet apo kushtet e punës, por per të ruajtur lirinë e sapofituar.
