Durrës, kandidati Xhelili viziton EcoPark-un: Një projekt që tregon realisht ndryshimin e madh

Kandidati i PS për qarkun Durrës, Alban Xhelili ka inspektuar ditën e sotme punimet që po realizohen në Eco Park, një vizitë që siç e quan ai i shërbeu për të marrë frymëzim.

“Një projekt që tregon realisht ndryshimin e madh që bën vullneti. Dikur një tokë e mbushur me mbeturina ku përveç ndotjes që i shkaktonte tokës ku grumbulloheshin, helmonte të gjithë zonën.” – shkruan Xhelili në rrjete sociale.

Sipas Xhelilit, pasi Eco Park-u të përfundojë ai “do jetë një vend ku të gjitha familjet do gjejnë hapësirat për argëtim e çlodhje”.

Postimi i plotë:

Një vizitë në EcoPark, për të marrë frymëzim. Pashë ecurinë e punimeve. Një projekt që tregon realisht ndryshimin e madh që bën vullneti. Dikur një tokë e mbushur me mbeturina ku përveç ndotjes që i shkaktonte tokës ku grumbulloheshin, helmonte të gjithë zonën.

Por në përfundim të tij gjithçka do jetë ndryshe, do jetë një vend ku të gjitha familjet do gjejnë hapësirat për argëtim e çlodhje.