Zgjedhjet e 25 prillit/ Palmer takime virtuale me Ramën, Bashën e Metën

Zëvendës Sekretari Amerikan i Shtetit, Matthew Palmer gjatë ditës së sotme do të zhvillojë biseda online më liderët e politikës shqiptare.

Ambasada e SHBA në vendin tonë njofton përmes një postimi në Facebook se biseda e Palmer me Ramën, Bashën e Metën do të fokusohet tek zgjedhjet e 25 Prillit.

“Zv. Ndihmës Sekretari i Shtetit të SHBA Matthew Palmer do të zhvillojë sot një “vizitë virtuale” në Shqipëri. Ai do të takohet me Presidentin Meta, Kryeministrin Rama dhe Kryetarin e Partisë Demokratike Basha për të diskutuar mbi përparësitë e Shteteve të Bashkuara, përfshirë pritshmëritë për zgjedhjet e 25 prillit.

Zv. Ndihmës Sekretari Palmer do të takohet gjithashtu me kampionët e reformës në drejtësi. Ai do ta përfundojë vizitën e tij me një tryezë të rrumbullakët me gazetarë, të cilët kanë marrë pjesë në programet e shkëmbimit dhe trajnimit të SHBA”, shkruhet në postim.