ITALI, 05 mars 2013 – Deri më tani ishte një foto që po qarkullonte në rrjetin social Twitter, por kjo ka shumë mundësi të jetë fanela e Milanit për sezonin e ardhshëm.
Në pamje të parë duket se uniforma e shtëpisë për Rossonerët është e njëjtë me atë aktuale, por e veçanta do të jetë se tre vijat e famshme të “Adidas”-it do të ketë ngjyrë ari.
Uniforma aktuale e Milanit tre vijat e famshme të Adidas-it i ka ngjyrë të bardhë.
Ajo që bie në sy është se uniforma e re i jep më shumë përparësi ngjyrës së zezë kundrejt asaj të kuqe. Ndërkohë nuk do të ketë asnjë ndryshim tjetër në fanelën e kuqezinjve.
