Larja dhe shëndeti i flokëve është një nga gjërat më kryesore të njeriut, si për paraqitjen e jashtme por edhe për higjenën personale. Larja e tij është një hap i domosdoshëm për të pasur një flok të bukur e plot shkëlqim.
Deri më tani, kemi mësuar që flokët nuk duhen larë çdo ditë, por ka paqartësi për kohën e duhur për t’i larë ato. Me siguri ia keni bërë vetes pyetjen “Më mirë t’i laj flokët në mëngjes apo në darkë?”
Stilistët më në zë të flokëve thonë se koha më e mirë për të larë flokët është mbrëmja dhe e dini pse?
Ekspozimi i flokut ndaj nxehtësisë së tharëses e dëmton atë, ndaj nuk duhet ta teproni. Në mbrëmje, ju mund ta thani flokun me peshqir dhe të mos përdorni tharëse e cila e dëmton flokun. Kjo nuk do të thotë se ju mund të flini me kokë të lagur, sepse floku është më i brishtë në këto momente. Megjithatë, do ta thani kokën më pak për të mos i dëmtuar flokët tuaj.
Flokët e larë në darkë e bëjnë gjumin edhe më të rehatshëm. Dihet që dushi në darkë mundëson një gjumë të qetë dhe të patrazuar, kështu që një rrugë e dy punë. Shpëtoni flokët dhe shijoni edhe gjumin.
