CASTRO VALI – Policia e cila hyri në shtëpinë e një të dënuari që ishte në liri me kusht, në qytetin amerikan Castro Vali, zbuloi një sasi marijuane që e ruante aligatori i madh 1.5 metra, transmetojnë mediet amerikane.
Sipas raporteve mediale, policia hyri në shtëpinë e Asif Mayer për të verifikuar se a gjendej në shtëpi, me ç’rast gjeti 15 kilogramë marijuanë dhe aligatorin e lidhur për krevatin e tij.
Policia tha se aligatori ishte vendosur aty për ta ruajtur drogën nga hajnat potencialë.
Policia shtoi se Mayer u arrestua për shkak të posedimit të marijuanës, derisa aligatori u dërgua në një spital të afërm për kafshë, pasi dukej shumë i dobët dhe i sëmurë.
