4 nëntor 2015 – Zërat se Cristiano Ronaldo do të shkojë te PSG janë shtuar edhe më shumë pas ndeshjes së luajtur mbrëmë mes Real Madridit dhe PSG-së. Pasi i premtoi diçka në vesh Laurent Blancut, Ronaldo i dha një sinjal të mirë edhe bosit të PSG-së, sheikut Al Khelaifi. Mediat e kapën momentin kur CR7 i bëri me sy miliarderit të famshëm. Portugezi kaloi pranë tij dhe i dha dorën, duke demonstruar se kanë një marrëdhënie shumë të mirë. Presidenti i Realit, Florentino Perez pengoi Ronaldon që të jap intervistë pas ndeshjes, por CR7 e shfrytëzoi mundësinë për t'i dhënë një sinjal drejtuesve të PSG-së.
/portali DurresLajm/
