Teuta – Skënderbeu, 3-0 (25-20, 26-24, 27-25)
2nentor 2015 – Teuta, Tirana dhe Farka Volej janë tri ekipet fituese të javës së parë të Kampionatit Kombëtar në volejboll për meshkuj, në përfundim të ndeshjeve të luajtura sot. Nëse fitoret e Teutës dhe Tiranës ishin të pritshme, suksesi 3-0 i Farkës në Shkodër ndaj Vllaznisë vendase ishte një surprizë e vërtetë.
Më e vështirë fitorja e Teutës, që në fushën e saj rrezikoi shumë ndaj Skënderbeut. Madje në setin e dytë dhe të tretë, durrsakët patën nevojën e pikëve shtesë për të ndalur korçarët, që me pak kujdes mund të kishin dalë me pikë nga “Ramazan Njala”. Teuta mori tri pikë të arta por nuk bindi me lojën e saj, ndërkohë që Studenti kampion këtë javë ishte pushim.
/portali DurresLajm/
