2 nëntor 2015 – Një gazetar i BBC-së ka deklaruar se një nga futbollistët e Chelsea-t ka thënë se për inat të trajnerit Jose Mourinho preferon t’i humbasë ndeshjet.
Garry Richardson thotë se një nga lojtarët e "Bluve" të Londrës i ka thënë tekstualisht: “Më mirë humbas sesa të fitoj me Mourinhon”.
Sipas gazetarit, marrëdhënia e teknikut portugez me disa lojtarë të Chelsea-t është “përtokë”. Ai thotë se futbollistët janë të mërzitur nga trajtimi që i bën “Special One”, dhe shton se një nga më të pakënaqurit është ylli i skuadrës, Eden Hazard.
Pas humbjes ndaj Liverpool në fundjavë (1-3), Chelsea e sheh veten në vendin e 15-të të Premier League-s, 14 pikë larg kryesuesve të Manchester City-t. Në Champions League, londinezët renditen të tretët në grupin G.
/portali DurresLajm/
