25 tetor 2015

Laçi-Teuta 2-2

Golat: Gocaj 63′,Xhejms 71’/Musta 83′, Lamçja 89′

Formacionet zyrtare

Teuta: Moçka, Shkalla, Hoxha, Lukiç, Kotobelli, Dita, Hila, Hodo, Musta, Lamçja, Magani,           trajner-Gugash Magani

Laçi: Vujadinoviç, Doku, Sheta, Çela, Sefgjini, Veliaj, Mustafa, Meto, Gocaj, Kruja, Xhejms,  trajner: Armando Cungu

Gjyqtarë: Kridens Meta, Ergin Doda, Ermal Barushi, Blendi Bershanaj

Ka qenë një super ndeshje ajo e zhvilluar në “Niko Dovana” midis Laçit dhe Teutës. Edhe pse kurbinasit ishin ekipi pritës, ndeshja u zhvillua në Durrës pasi tapeti i ri ende nuk është gati për t’u shkelur. Laçi ka qënë më pranë fitores në këtë përballje, teksa ka parë që t’i shpëtojë nga duart vetëm në sekondat e fundit të ndeshjes që përfundoi me rezultatin 2-­2. Pas një pjese të parë pa nivelin e duhur, të dyja skuadrat i kanë shkarkuar bateritë në të dytën ku u shënuan edhe 4 gola. Laçi kaloi në avantazh fillimisht me anë të mbrojtësit Gocaj, i cili gjendet në kohën dhe vendin e duhur pas një goditje të Veliajt dhe në minutën e 63′ kalon në avantazh Laçin. 1­-0 dhe bardhezinjtë nuk ndalen dhe vetëm pas 8′ minutash Xhejms shndërron në gol një 11­metërsh të fituar po nga ai vetë. Minuta e 71′ dhe Laçi mbyll praktikisht ndeshjen, por nuk është i të njëjtit mendim Teuta dhe trajneri Magani.

Teksa ekipi i drejtuar nga Cungu adminstron lojën, durrsakët hidhen në sulm. Musta në minutën e 83′ rihapi ndeshjen pasi shënoi një gol me kokë nga brenda zonës që është i treti rradhazi për të. Sulmuest e Teutës nuk do të ndaleshin dhe në minutën e 90′ do të jetë elbasanasi tjetër Lamçja që do të barazoje shifrat. Shtatshkurti shënon një gol me kokë në mes të dy mbrojtësave të Laçit duke sigluar shifrat në 2­2. Teuta zhvillon një tjetër ndeshje mjaft të mirë duke treguar sërisht forcë karakteri, ndërsa Laçi sheh t’i shpëtojë nga duart një fitore në sekondat e fundit. Një ndeshje e luftuar dhe me ritëm mjaft të lartë, por që në fund doli pa fitues. Me këtë barazim Teuta renditet e katërta me 14 pikë, ndërsa Laçi është një pozicion më poshtë në kuotën 10 pikëve me 4 pikë më pak se durrsakët.

/portali DurresLajm/