29 shtator 2015 – Lajm pozitiv, po aq sa dhe irritues për tifozët kuqezinj. Në ndeshjen e 8 tetorit në “Elbasan Arena”, do të këndohet dhe serbisht. Sipas portalit serb, “Telegraf.rs” para startimit të sfidës Shqipëri – Serbi, është arritur një marrëveshje mes dy federatave që të këndohet edhe një këngë serbisht. Më saktë, do të këndojë një grup rock, me emrin Bajaga, të arshur posaçërisht për këtë takim në Shqipëri. Ky grup muzikor ka kërkuar 30 mijë euro për të kënduar në këtë përballje, por akoma nuk dihet nëse kërkesa e tij është pranuar.
Në rast se një gjë e tillë ndodh, situata në Elbasan nuk do të jetë e këndshme për tifozët e shumtë shqiptarë të cilët vijnë në mbështetje të Kombëtares së tyre, në një sfidë kaq të rëndësishme.
/portali DurresLajm/
