Këshilli Bashkiak do të mbajë ditën e nesërme (e premte), ora 12.00, një mbledhje jashtë radhe, ku me një urgjencë të habitshme dhe pa respektuar asnjë afat ligjor, me kërkesë të nënkryetares, që kryen funksionin e kryetares së bashkisë, pritet të kalojë për miratim Plani i Përgjithshëm Vendor, i cili është vënë si pikë e parë e rendit të ditës.

Një tjetër pikë e rëndësishme është ajo që lidhet me zgjerimin e varrezave Durrës.

“PËR MIRATIMIN E SHPRONËSIMIT PËR INTERES PUBLIK, TË PASURIVE TË PALUAJTSHME, PRONË PRIVATE, QË PREKEN NGA REALIZIMI I PROJEKTIT “ZGJERIMI TERRITORIAL I VARREZAVE TË QYTETIT TË DURRËSIT”

Ndërkohë, 3 pikat e tjera të rendit të ditës lidhen me familjet e dëmtuara nga tërmeti i 26 nëntorit 2019.

3. PËR MIRATIMIN E LISTËS SË PËRFITUESVE NGA PROGRAMI I RINDËRTIMIT NË NJËSITË ADMINISTRATIVE NR. 2 DHE KATUND I RI, BASHKIA DURRËS, QË DO TË PËRFITOJNË NGA PROGRAMI I PROÇESIT TË RINDËRTIMIT PËR BANESAT INDIVIDUALE TË DËMTUARA NGA FATKEQËSIA NATYRORE E TËRMETIT TË DATËS 26 NËNTOR 2019

4. PËR MIRATIMIN E NDRYSHIMIT TË ANEKSIT 1, LISTA E SUBJEKTEVE PËRFITUESE TË CILËT DO TË PËRFITOJNË MASËN E GRANTIT TË RINDËRTIMIT TË BANESAVE INDIVIDUALE TË DËMTUARA NGA TËRMETI I DATËS 26 NËNTOR 2019, SIPAS PROJEKTIT MODEL, BASHKËLIDHUR VKB-SË NR. 13, DATË 04.02.2021

5. PËR MIRATIMIN E LISTËS SË PËRFITUESVE, QË DO TË PËRFITOJNË NGA PROGRAMI I PROÇESIT TË RINDËRTIMIT PËR PALLATIN NR.458, RRUGA “BAJRAM TUSHA” I DËMTUAR NGA FATKEQËSIA NATYRORE E TËRMETIT TË DATËS 26 NËNTOR 2019