9korrik 2015 – Edvana Sulaj, kujdestarja e Jetimores së Shkodrës do të qëndrojë në burg për dhunën e ushtruar ndaj fëmijëve të mitur. Edhe pse kishte 20 vjet eksperiencë si edukatore në Shtëpinë e Fëmijës, 40-vjeçarja është regjistruar nga një kamera sigurie, duke qëlluar me shkelm, shuplaka dhe më pas i ulet në prehër me forcë të miturve jetimë. Në sallën e gjyqit, sot, edukatorja kërkoi falje, duke e quajtur si moment të humbjes së kontrollit. Si prokurorja edhe gjyqtarja kërkuan që edukatorja të lihej në burg.
Ngjarja e publikuar në media shkaktoi furtunë shkarkimesh në Jetimoren e Shkodrës, mes tyre edhe drejtoreshën.
/agjencia e lajmeve “Dyrrah”/
