Adele më në fund ka zbuluar se po rikthehet me albumin e saj të shumëpritur.
Këngëtarja e hitit “Someone Like You”, 33 vjeçe, konfirmoi të martën se kënga e saj e re quhet “Easy On Me” dhe pritet të publikohet më 15 tetor. E njohur për baladat e njohura si “Hello” dhe “Someone Like You”, artistja e talentuar postoi sot një video bardh e zi prej disa sekondash në llogaritë e saj, me mbishkrimin “Easy On Me – 15 Tetor”.
Videoja tregon këngëtaren në një makinë, duke vënë një kasetë në kasetofon , duke kontrolluar pasqyrën e pasme, duke rritur volumin e muzikës dhe më pas duke vozitur në një automjet plot me sendet e saj.
Adele lëshoi ”25″ në Nëntor 2015. Albumi kryesoi listat në të gjithë botën dhe u nderua me Çmimin Grammy të Vitit.
Ditët e fundit, fansat e saj kanë spekuluar në internet nëse 33-vjeçarja do të publikonte këngë të reja, pasi numri “30” u shfaq në mënyrë misterioze në ndërtesat në të gjithë botën.
