Një studim i ri kërkimor në Universitetin e Chicago Medicine ka zbuluar se kur bëhet fjalë për COVID-19, vitamina D mund të ulë rrezikun e infeksionit, veçanërisht për njerëzit me ngjyrë.
Studimi, i publikuar në JAMA Open Network më 19 mars, ekzaminoi në mënyrë retrospektive lidhjen midis niveleve të vitaminës D dhe gjasave për t’u testuar pozitiv për COVID-19.
Mediat e huaja shkruajnë, ndërsa nivelet prej 30 ng/ml ose më shumë zakonisht konsiderohen të mjaftueshme, autorët zbuluan se individët me ngjyrë që kishin nivele nga 30 deri në 40 ng/ml kishin një rrezik 2.64 herë më të lartë për të dalë pozitiv për COVID-19 sesa njerëzit me nivele 40 ng /ml ose më shumë.
Lidhje statistikisht domethënëse të niveleve të vitaminës D me rrezikun e COVID-19 nuk u gjetën te njerëzit e bardhë. Studimi shqyrtoi të dhënat nga më shumë se 3,000 pacientë në UChicago Medicine.
Ekipi hulumtues tani po rekruton pjesëmarrës për dy prova klinike të veçanta që testojnë efikasitetin e suplementeve të vitaminës D për parandalimin e COVID-19.
Ky hulumtim është një zgjerim i një studimi të mëparshëm që tregon se mungesa e vitaminës D (më pak se 20 ng/ml) mund të rrisë rrezikun e testimit pozitiv për COVID-19. Në studimin aktual, këto rezultate u mbështetën më tej, duke gjetur se individët me mungesë të vitaminës D kishin një shans 7.2% për t’u testuar pozitivë për virusin.
Një studim i veçantë zbuloi kohët e fundit se më shumë se 80% e pacientëve të diagnostikuar me COVID-19 kishin mungesë të vitaminës D.
