Kryesia e Partisë Demokratike, e mbledhur nga Lulzim Basha ka shkarkuar 11 kryetarë të degëve, të cilët sikurse bëri me dije një ditë më parë sekretari Bardhi, nuk kishin kryer detyrat e tyre lidhur me organizimin e kuvendit të datës 18 dhjetor.
Mësohet se janë shkarkuar kryetarët e degëve në Tropojë, Shijak, Fushë-Krujë, Tirana 1, Tirana 3, Tirana 9, Paskuqan, Devoll, Kolonjë, Vlorë dhe Gjirokastër.
Ndërkohë Partia Demokratike ka njoftuar se ditën e nesërme do të mbledhë Këshillin Kombëtar.
Kujtojmë që takimi po zhvillohet pas mbledhjes së Kuvendit Kombëtar të thirrur nga Sali Berisha, ku delegatët vendosën që të votojnë me 4446 vota pro për shkarkimin e Bashës, për thyerje të rënda të statutit të PD për marrje të kompetencave.
