Sheila Haxhiraj dhe Kledi Hysa bënë lëmsh rrjetin me disa foto e provokime që të linin të mendoje se pas daljes nga shtëpia e Big Brother VIP mes tyre kishte lindur diçka më shumë se miqësi.
Fillimisht ishin disa foto të publikuara në rrjet ku ata shiheshin të kapur për dore. Më pas, për t’i hedhur benzinë zjarrit, Kledi “provokonte” në Instagram, duke thënë se nuk do të ishte i pranishëm në prime sepse do të dilte me Sheilën. Ndërsa pak ditë më parë, Sheila publikoi një foto ku shfaqej e përqafuar me Kledin, duke e mbishkruar postimin me emoji zemrash.
Dhe siç disa mund të kenë dyshuar, gjithçka është bërë për vëmendje. Me sa duket, fotot janë të shkëputura nga videoklipi i ri i Sheilës, ku shfaqet edhe Kledi. Klipi pritet të publikohet sot dhe mund të themi se Sheila dhe Kledi ia arritën qëllimit për t’u përfolur në mediat rozë.
