Konkurrentja e “Big Brother VIP Albania” Monika Lubonja gjithmonë krijon momente humoristike, kur bëhet fjalë për “historinë” e saj me pilotin e parashutave dhe droneve që u vijnë banorëve për t’i surprizuar.
Një ndër to ka qenë situata e krijuar së fundmi gjatë një darke në shtëpinë më të famshme të Shqipërisë.
Aktorja e njohur i drejtohet nëpërmjet kamerave këngëtarit Elgit Doda dhe aktorit të humorit Romeo Veshaj. Ajo i thotë që ka një kërkesë, që konsiston në krijimin e një kënge për të dhe pilotin.
“Mirëmbrëma Elgit, mirëmbrëma dhe ti Romeo. Si jeni në rradhë të parë? Besoj që jeni shumë mirë. Tani, kjo gota është për ju, do ta kthej me fund për ju. Por mos harroni qëllimin: këngën për mua.
Pra, piloti, shtëpia, trëndafili dhe Monika”- ka thënë ajo teksa ka ngritur dollinë.
Ndërkohë, Elgit Doda duket se e ka marrë mesazhin e Monikës dhe e ka ripostuar videon e kërkesës së saj në një ‘story’ në llogarinë e tij të “Instagram”.
Mirëpo, ajo çfarë na ka bërë më shumë përshtypje ka qenë pikërisht ‘story’ pasardhës, në të cilën këngëtari ka publikuar një ‘folder’, i titulluar “Piloti”.
Mbi foton e postuar, ai shkruan me nota humori: “U kry si këngë”.
