Banorët e “Big Brother Vip” janë shprehur të shqetësuar pasi Beniada nuk është mirë me shëndet, ka temperaturë, plogështi e dhimbje kockash. Simptoma të cilat janë edhe të COVID-19.
Kjo ka ngritur dyshimet se ajo mund të jetë infektuar me COVID-19.
Përkundër që banorët nuk mund të dalin jashtë shtëpisë, persona të shumtë deri tani kanë hyrë brenda saj, si për t’u kujdesur për pamjen e tyre, ashtu edhe për gjëra të tjera, andaj edhe kanë mundur ta bartin virusin.
Nën zë, banorët në bisedat e tyre kanë lënë të nënkuptohet se janë testuar dhe presin përgjigjet.
Pas dyshimeve të ngritura, Donaldi ka rrëfyer se ka kaluar COVID-in pak ditë para hyrjes në shtëpi dhe ia ka hedhur lehtë, kryesisht me temperaturë dhe lodhje.
