Hynë në emision dashurie, por duket se do të përballen në gjyq.
E kemi fjalën për Ritvanën dhe Argjendin të cilët u menduan si një çift i mundshëm në emisionin Përputhen.
Pak ditë më parë Argjendi habiti me deklaratën kur tha se e ka mikeshë të ngushtë Ritvanën.
Por kjo e fundit e ka mohuar e madje tregoi se do të përballet dhe ligjërisht me ish-konkurrentin nga Klina e Kosovës.
“Gënjeshtër siç edhe e ka zakon. Më kanë shkruar shumë prej jush dhe ma kanë dërguar me foto, por kam zgjedhur mos të reagoj, sepse s’me intereson. Gjërat do të zhvillohen më shumë se kaq pranë institucioneve të duhura dhe prandaj nuk e kam të nevojshme as unë, as ju një luftë me story të padëshiruara”, shkroi Ritvana.
Kujtojmë që Argjendi pretendon se Ritvana ka qenë te shtëpia e tij dhe nuk do të flasë më shumë e të jap detaje se çfarë ka ndodhur mes të dyve, por Ritvana e ka mohuar këtë gjë kategorikisht.
