Ushqimet që mund të ndihmojnë në lehtësimin e ankthit tuaj

A jeni vazhdimisht të shqetësuar dhe të stresuar? Më pas i riktheheni alkoolit, pirjes së duhanit apo edhe ngrënies së tepërt? Ndëse dy të parat nuk ndihmojnë në reduktimin e ankthit tuaj, ushqimi mundet.

Por jo çdo ushqim si karbohidratet e përpunuara si hotdogu dhe hamburgerët, por ushqim i shëndetshëm dhe ushqyes. Ndërsa njerëzit mendojnë për ushqimin e shëndetshëm si të butë dhe të mërzitshëm, ne ju sjellim dietologun Vidhi Chaëla, i cili sqaron gjërat që mund të hani, të cilat jo vetëm që do t’ju ndihmojnë të reduktoni nervozizmin tuaj, por gjithashtu ato janë të shëndetshme dhe të shijshme.

Manaferrat

Dëshira për sheqer është një rezultat i natyrshëm i ankthit edhe pse do t’ju lodhë pothuajse menjëherë. Pra, zëvendësojini ato me disa manaferra, të cilat janë të mbushura me vitaminë C dhe antioksidantë që mbrojnë dhe riparojnë qelizat e dëmtuara dhe të stresuara. Pra, hani shumë boronica, manaferra, luleshtrydhe dhe ndjehuni të relaksuar.

Çaji

Nuk është sekret që njerëzit nën shumë presion dhe stres vrapojnë për të përqafuar alkoolin dhe pijet e tjera të ëmbla. Por a ndihmojnë ato me të vërtetë? Jo. Ose nuk ndihmojnë ose përfundojnë duke krijuar më shumë dëme në trupin tuaj. Një zëvendësues i mirë i këtyre pijeve me bazë alkoolike dhe të gazuara është çaji. Disa barishte si livanda, kamomili, gjethet e çajit jeshil, përmbajnë antioksidantë që qetësojnë nervat tuaja. Pirja e këtyre vjen me përfitimin shtesë të gjumit të mirë dhe detoksifikimit. Për më tepër, përgatitja e çajrave bimor në shtëpi është shumë e lehtë dhe e kënaqshme.

Çokollata

Po, sheqeri i bën më shumë dëm nervave tanë sesa thjesht i qetëson ato. Prandaj, jo çdo çokollatë ndihmon me nervozizmin, por çokollata e zezë. Ajo përmban përbërës të lëndëve ushqyese që qetësojnë ankthin tuaj.

Arrat

Frutat tuaja të thata bazë si arrat braziliane, arrat dhe bajamet janë burime të shkëlqyera të antioksidantëve, proteinave dhe më e rëndësishmja e magnezit, të cilët ndihmojnë në ruajtjen e neurotransmetuesve të trupit dhe mbështetjen e funksionimit të trurit.

Vitaminë C

Tashmë dihet se vitamina C është një qetësues i madh i stresit dhe për këtë arsye frutat si portokalli, limoni dhe rrushi ndihmojnë nervat. Përveç këtyre frutave, përfshirja e perimeve me gjethe jeshile si spinaqi, lakra, marule dhe majdanoz në vaktet tuaja gjithashtu rezulton të jenë shumë të dobishme për të lehtësuar ankthin.

Peshk

Ndërsa ngrënia e peshkut nuk është një opsion për të gjithë, varietetet e peshkut si sardelet dhe salmoni sjellin përfitime të mëdha për njerëzit me ankth. Arsyeja është se këta peshq përmbajnë nivele të larta të acidit yndyror Omega-3, që ruan funksionimin kognitiv të trurit, si dhe balancon hormonet duke mbajtur nën kontroll edhe shëndetin tuaj mendor.

Kos

Kosi është një burim probiotikësh, diçka që është njohur prej kohësh për të ndihmuar me ankthin dhe depresionin. Nëse nuk jeni alergjik ndaj tij, nuk është e dëmshme të përfshini kosin në vaktet tuaja, për të qëndruar të qetë dhe të lumtur! /REVISTA PSIKOLOGJI