Pas 10 orësh protestë para Kryeministrisë, protestuesit janë larguar dhe protesta është mbyllur.
Ishte paralajmëruar që protesta do të zgjaste 24 orë por pas një ndërhyrje të policisë rreth orës 18:00, e cila i zhvendosi protestuesit nga bulevardi “Dëshmorët e Kombit” te trotuari përballë Kryeministrisë, qytetarët pas diskutimeve me njëri-tjetrin kanë vendosur ta mbyllin protestën ditën e sotme.
Qytetarët kanë vendosur të rikthehen sërish ditën e nesërme në shesh për të protestuar për kërkesat e tyre drejtuar qeverisë.
Protestat nisi në orën 11:00 të ditës së sotme, 19 mars ndërsa qytetarët në mënyrë të vazhdueshme kanë kërkuar ndërhyrjen e qeverisë për të zbutur krizën.
