Korrespondenti i televizionit Fox News në Ukrainë, Benjamin Hall thotë se ai ndihet me fat që është gjallë pasi u plagos rëndë rreth një muaj më parë kur automjeti me të cilin ai dhe ekipi i xhirimit lëviznin, u përfshin nga flakët.
Benjamin përmes një postimi në rrjete sociale nga shtrati i spitalit zbulon se ai humbi gjysmën e njërës këmbë, plus këmbën tjetër. Ai gjithashtu shton se njëra dorë është duke u riparuar në mënyrë kirurgjikale, ka humbur shikimin në një sy dhe se dëgjimi i tij është ende problematik.
Benjamin po udhëtonte në Ukrainë muajin e kaluar me fotografin veteran të Fox News, Pierre Zakrzeëski dhe gazetaren ukrainase Oleksandra Kurshynova, kur automjeti i tyre u godit duke shpërthyer në flakë në një zonë në periferi të Kievit.
Pierre dhe Oleksandra u vranë të dy gjatë sulmit , ndërsa Benjamin u shtrua në spital me lëndime të rënda.
Benjamin thotë se pavarësisht të gjitha gjymtyrëve të humbura, ai ndihet shumë me fat që është gjallë.
