Dalja e lumit Ishëm nga shtrati si pasojë e reshjeve të dendura të një nate më parë ka shkaktuar përmbytjen e sipërfaqeve të konsiderueshme toke bujqësore.
Pamjet filmike të mbërritura në redaksinë e “DurrësLajm” nga banorët e zonës tregojnë situatën kritike, e cila rrezikon të përkeqësohet në orët në vazhdim nesë reshjet e shiut do të intesifikohen.
Situata është e vështirë në dy lumenjtë, atë të Ishmit dhe Erzenit, fryrja e të cilëve rrezikon daljen nga shtrati.
Bashkia njoftoi mesditën e sotme se në Ishëm, lumi ka dalë nga shtrati dhe ka përmbytur toka bujqësore në Kërtushaj e Likmetaj si dhe gjithashtu ka dëmtuar rrugën në Lalëz e Draç.
Ndërsa në lagjen e Pallateve dhe në Lagjen Stalla, ka përmbytje nga reshjet e dëndura si dhe rrezikohen nga dalja e lumit Erzen.
