Aktorja Zara Phythian e njohur nga seriali Doctor Strange dhe bashkëshorti i saj Victor Marke, instruktor i arteve marciale janë shpallur fajtorë për abuzim seksual të fëmijëve.
Sipas BBC, Phythian, e cila është 37 vjeç, u shpall fajtore për 14 vepra seksuale në Gjykatën e Nottingham Crown ndërsa burri i saj, i cili është 59 vjeç, u shpall fajtor për 18 vepra. Gjykata dëgjoi që çifti u takua kur ai ishte instruktori i saj i arteve marciale dhe ajo vazhdoi të kishte një karrierë të suksesshme në artet marciale si dhe në aktrim.
Kur Victor Marke dha dëshminë e tij në Gjykatën e Nottingham Cronwell, ai pranoi aktivitetin seksual me njërën nga vajzat, por pretendoi se ajo ishte 18 vjeç në atë kohë. Prokuroria tha se ai ishte angazhuar në shumë “treshe” me vajzën dhe Phythian, duke filluar që kur vajza ishte 13 vjeç.
Megjithatë, Marke pretendoi se aktiviteti seksual ndodhi vetëm në një rast dhe tha se Phythian nuk ishte i përfshirë. Kur Phythian dha dëshminë e saj, ajo mohoi çdo lloj aktiviteti seksual me vajzën.
Çifti u përqafuan në gjykatë ndërsa avokatët dhe gjyqtari diskutuan se kur do të dënoheshin dhe Marke dëgjohej duke qarë. Ata kishin qenë në liri me kusht gjatë gjithë gjyqit, por gjyqtari Mark Watson i la ata në paraburgim pas vendimeve të fajësisë dhe tha se do t’i dënonte më 16 maj.
“Të dy e dini se dënimi që jap më 16 maj ka të ngjarë të matet me një periudhë të konsiderueshme paraburgimi“.-tha gjyqtari.
Vajzat, të cilat tani janë të rritura, raportuan abuzimin në polici shumë vite pasi kishte ndodhur. Hepburn nga CPS inkurajoi të tjerët të bënin të njëjtën gjë.
