Banania mund të konsiderohet si një frut i nënvlerësuar në krahasim me frutat e tjera ekzotike, të cilat janë kthyer në trend.
Banania është mjaft e shijshme dhe shumë e pasur në vlera.
Ajo i jep trupit tonë të gjithë ato gjërat e mira për të cilat ka nevojë.
Bananet përmbajnë shumë vlera ushqimore, vitamina, fibra, ëmbëlsues natyralë si sukroza dhe fruktoza.
Ajo është shumë e pasur me kalium, magnez dhe ofron energji.
Banania konsiderohet si ‘fruti i lumturisë’ sepse të shton humorin dhe lufton depresionin për shkak të nivelit të lartë të shumë hormoneve të mirëqenies.
A ndihmon banania kundër mbipeshës?
Një banane mesatare përmban 3.07 gramë fibër ndërkohë që sasia ditore e rekomandueshme e fibrës për të rriturit është 25 gramë.
Studimet tregojnë se konsumi i lartë i fibrës ndihmon në zvogëlimin e peshës trupore.
Fibra, ndihmon në stabilizimin e sheqerit në gjak dhe ju mban të ngopur për shumë gjatë, duke ulur kështu sasinë e kalorive.
Trupit i duhet shumë kohë të tresë lloje të caktuara fibrash dhe kësisoj rregullon vetë nevojat për ushqyes të caktuar.
Fibra i vjen në ndihmë trupit për uljen e kolesterolit dhe ul rrezikun e sëmundjeve të zemrës.
Përpos fibrës, banania përmban edhe niseshte rezistuese e cila në vetvete është karbohidrat që nuk shpërbëhet lehtë në zorrën e vogël.
Kësisoj ajo nuk rrit nivelin e sheqerit në gjak dhe stimulon rritjen e baktereve të mira në zorrë.
Konsumi i kësaj niseshteje i ndihmon njerëzit të humbasin në peshë sepse ajo funksionon njësoj si fibra.
Sipas ekspertëve, banania është një frut shumë i mirë për njerëzit që duan të kujdesen për trupin e tyre dhe që të humbasin peshë.
Megjithatë, ajo nuk është e mjaftueshme për arritjen e rezultateve të duhura.
Sigurisht që njeriu nuk mund të humbasë peshë duke ngrënë vetëm banana, por duke e bërë atë pjesë e një regjimi të shëndetshëm ushqimor dhe duke kryer aktivitet fizik./AgroWeb.org
