Një aksident ka ndodhur pasditen e sotme në zonën e Fushë-Prezës në Tiranë.
Një kamion është përplasur me një makinë e për pasojë është plagosur drejtuesi i autoveturës.
Sipas policisë, ai është dërguar në spital për të marrë ndihmë mjekësore.
Njoftimi i plotë i policisë:
Tiranë/Informacion paraprak
Më datë 10.10.2022, në Fushë Prezë, një mjet tip kamion është përplasur me një autoveturë. Si pasojë drejtuesi i autoveturës është dëmtuar dhe po transportohet në spital për ndihmë mjekësore.
Grupi hetimor ndodhet në vendngjarje dhe po punon për sqarimin e rrethanave të aksidentit.
