Një person ka dëmtuar traun e hyrjes në Parlament ditën e sotme, teksa dyshohet se ka tentuar të hyjë brenda perimetrit të godinës.
Policia tha se një 32 vjeçar ka tentuar të parkojë makinën e tij në hyrje të godinës qeveritare, ndonëse është e ndaluar.
I riu është shoqëruar në komisariat dhe po punohet për sqarimin e rrethanave të ngjarjes.
Tiranë/Informacion paraprak
Më datë 07.12.2022, te Parlamenti, shtetasi M. B., 32 vjeç, duke drejtuar automjetin e tij, ka dëmtuar traun e hyrjes në Parlament.
32-vjeçari është shoqëruar në komisariat dhe po punohet për sqarimin e rrethanave të ngjarjes.
