Burrë e grua kanë përfunduar pasditen e sotme në spitalin e Pogradecit.
Sipas policisë, ata dyshohet se aksidentalisht kanë konsumuar lëndë kimike helmuese.
“Më datë 20.12.2022, në spitalin e Pogradecit kanë shkuar për mjekim shtetasi B. O., rreth 42 vjeç dhe bashkëshortja e tij, shtetasja V. O., rreth 40 vjeçe, banues në fshatin Blacë, Pogradec, të cilët dyshohet se aksidentalisht kanë konsumuar lëndë kimike helmuese (herbicid). Të dy këta shtetas ndodhen nën kujdesin e mjekëve.“, njofton policia.
Grupi hetimor po punon për sqarimin e rrethanave të ngjarjes.
