Sa i kushtojnë shtetit shqiptar të penduarit e drejtësisë dhe mbrojta e familjarëve të tij?
Në “Shqipëria Live” është bërë me dije se të gjithë familjarëve të të penduarve të drejtësisë iu ofrohet mbrojtja nga shteti dhe iu ofrohen të gjitha fasilitet siç do të ishin në kushte normale.
Madje familjarët e të penduarve të drejtësisë, për shkak të jetesës nën stres dhe kushte jo normale, iu mbulohet edhe palestra, masazhet, plazhet apo pushimet e tjera nëpërmjet taksave të shqiptarëve.
“Për gjithçka në jetën e tyre përgjigjet shteti, që nga banesa, kurse për gjuhën e huaj, nëse kanë fëmijë në shkollë iu mbulohet arsmimi. Pra gjithçka që ka të bëjë me jetesën e përditshme.
Familjarët spostohen dhe iu paguhet pagesa që kanë marrë nga profesioni i tyre. Kjo shumë vjen nga taksat tona.
Meqë është një jetë stresuese iu mundësohet të bëjnë dhe palestër, masazhe, plazhe po prapë nga shteti”, tha gazetarja Doriana Bezat.
Për ta konkretizuar përmendim këtu Nuredin Dumanin, një nga personazhet e botës së krimit më të përfolur momentalisht. Dumani zgjodhi të bëhej i penduari i drejtësisë dhe këto fasilitete i përfitojnë familjarët e tij.
