Ambasadorja amerikane në vendin tonë, Yuri Kim, e cila së shpejti do të largohet nga Shqipëria, ka falenderuar qytetarët shqiptarë për mikëpritjen dhe ngrohtësinë që i kanë dhënë.

Me anë të një statusi në Twitter, Kim shkruan se ndihet krenare që ka vizituar 61 bashkitë e Shqipërisë gjatë këtyre 3 viteve, dhe se qytetarët e kanë pritur sic e kanë traditë, “me bukë e kripë e zemër të hapur“.

Ndëkrohë ka publikuar edhe një video të momenteve më të bukura të kaluara në vendin tonë gjatë vizitave në rrethe të ndryshme të Shqipërisë.

“Largohem pas tre vitesh e gjysmë nga Shqipëria e bukur! Me krenari them se kam vizituar të 61 bashkitë dhe kam takuar mijëra shqiptarë, të cilët më kanë pritur me bukë, kripë dhe zemër të hapur. Shpresoj që të njëjtën mirësi dhe mikpritje t’i tregoni ambasadorit të ardhshëm. Faleminderit e mirupafshim!”, ka shkruar ajo.