Paul Pogba po përjeton momentin më të vështirë në karrierën e tij futbollistike.
Rikthimi te Juventusi u shoqërua me dëmtime të shumta, por makthi nuk mbaron këtu.
Mesfushori francez rezultoi pozitiv me testosteron në një test dopingu më 20 gusht pas ndeshjes Udinese-Juventus, në të cilën nuk u aktivizua.
30-vjeçari, i cili fitoi Kupën e Botës me Francën në 2016, ka kryer kundër-analizën dhe përgjigja është e njëjta: sërish pozitiv për përdorim dopingu.
Tani do të gjykohet nga Gjykata Kombëtare Antidoping nëse nuk zgjidhet një marrëveshje për pranimin e fajësisë. Analizat e reja nuk sollën ndryshimin që prisnin te Juventusi.
Në këto kushte Pogba do të përballet me një skualifikim të gjatë deri në 4 vite! Ndërkohë, drejtuesit e Juves, që kanë pezulluar lojtarin, duhet të gjejnë një tjetër mesfushor në merkaton e janarit.
Bardhezinjtë pritet të ndërpresin kontratën me Pogba, i cili pothuajse e ka mbyllur me futbollin aktiv pas konfirmimit se ka dal pozitiv me doping.
