Futbollisti brazilian, Felipe Diogo, 21 vjeç, u vra këtë të martë në Ribeirão Preto të São Paulos. Sulmuesi, i cili luante në ekipin São Bernardo në Serie C dhe ishte me pushime në qytetin e tij, ndërsa u qëllua dhjetë herë.
Felipe Diogo u transportua në qendrën spitalore, por nuk iu mbijetoi plagëve të marra. Sipas mediave braziliane, Policia i ka nisur hetimet, por për momentin nuk dihen shkaqet e kësaj vrasjeje.
I quajtur si Felipe Favela në kategorinë e të rinjve, sulmuesi i ri kaloi përmes klubeve Cruzeiro, Botafogo-SP dhe Avaí përpara se të mbërrinte në São Bernardo, në ekipin e parë të të cilit ai e bëri debutimin e tij në 2022.
Atë vit ai e luajti një ndeshje në Kampionatin Paulista dhe 12 në Serie D, në të cilat i shënoi katër gola. Këtë sezon ai i luajti tri ndeshje për Paulista dhe dy në Serie C dhe nuk kishte shënuar ende. Ai kishte një kontratë me São Bernardo deri më 30 nëntor 2024.
