Gjykata cakton masën e sigurisë arrest me burg për Stiljan Pashon, me detyrë shef i sektorit të kufirit pranë DVKM Korçë. Pasho shfrytëzim detyrën e tij në intervale të ndryshme kohore, duke lejuar kalimin e lëndëve narkotike në drejtim të Greqisë. Më datë 27 nëntor, ai ka favorizuar një shtetas të kalojë kufirin pa iu nënshtruar kontrollit duke kaluar drejt Greqisë, 26 kg lëndë narkotike. Pak ditë më parë, ai u përjashtua nga radhët e Policisë së Shtetit.
Avokati mbrojtës i Stiljan Pashos, Nevzat Tarelli : Kundërshtojmë vendimin e gjykatës për arrest me burg sepse nuk ka prova të mjaftueshme që tregojnë përfshirjen e kryekomisarit në trafikun e lëndëve narkotike. Sipas mbrojtjes, Pasho ka udhëtuar rastësisht nga Korça në drejtim të doganës të Kapshticës me personin i cili u arrestua në Greqi për transportin e 27 kg të lëndëve narkotike. Kur kanë mbërritur në doganë, Pasho e ka favorizuar për të kaluar pa rradhë Lorenc Likën, por nuk ka patur dijeni për lëndën narkotike që ndodhej në mjet.
