Gigi Buffon i është rikthyer çështjes së basteve ku përfshihen Tonali, Fagioli dhe Zaniolo. Në një intervistë të gjatë për Corriere della Sera, legjenda e portës kujtoi se gjithashtu se tema e kishte prekur drejtpërdrejt disa vite më parë:
“Nuk më pëlqejnë fanatikët që gjykojnë në sipërfaqe dhe pa e ditur realisht se cilat janë arsyet. Edhe unë kam qenë aty duke u njollosur pa bërë asgjë: kur gjërat bëhen të qarta, harron të shpjegosh dhe të kërkosh falje dhe i lë njerëzit me një njollë. Basti nuk është krim. Është një temë shumë delikate – besoj se është gabim të kriminalizosh dhe të mos bësh dallime. Bastet në vetvete nuk janë krim, vetë stadiumet dhe transmetimet sportive janë të mbushura me reklama për Aplikacionet e këtij lloji dhe shteti i inkurajon bastet sportive”, shpjegoi Buffon, i cili theksoi se nëse një lojtar vendos bas për futboll ai duhet të dënohet.
“Nëse një futbollist vë baste për futboll, ai përballet me dënime që me të drejtë duhet të shkaktohen; por nëse ai vë baste për volejboll, basketboll, gara me qen… ai nuk bën asnjë krim. Dhe bëhet më keq kur flasim për varësinë nga bixhozi, duke e humbur përsëri pikën: varësia nga kumari nuk është problemi i sasisë së shpenzimeve, por i kohës që i kushtoni këtij aktiviteti. Dhe ne duhet t’ua shpjegojmë këtë fëmijëve: është njësoj si të vendosësh vazhdimisht baste 1 euro duke kaluar orë e orë para aplikacionit, edhe kur dikush shpenzon 1 milion në një rast të vetëm atëherë. Nuk është vetëm ai i varur nga bixhozi. Mund të themi se është idiot, në rregull, por patologjia lind nga varësia, vazhdimësia me të cilën bëhet diçka”, deklaroi Buffon, i cili është pajisur me licencën e drejtorit sportiv.
Gjithashtu ai u ndal edhe tek roli i ri në kombëtaren e Italisë.
“Jam krenar që jam në krye të delegacionit të Italisë. Do të isha i çmendur të mendoja se mund të transmetoja diçka siç arriti Gianluca Vialli. Të paktën do të përpiqem ta bëj të mos pendohet shumë, por pa adhurim. Unë do të bëjë gjithçka si Buffon me cilësitë dhe të metat e mia”, u shpreh Buffon, që zbuloi se dasma me Ilaria-n do të shtyhet për shkak të kampionatit evropian.
