Klejdi Daci ishte autori i një prej golave të Teutës në kualifikimin në Kupë ndaj Skënderbeut. Sulmuesi dha gjithashtu edhe një asist për Arifin te goli i dytë.
Ai u shpreh: “Më kanë munguar shumë golat, por mendoj se do të bëj më mirë në vazhdim.
Ishim optimist që para ndeshjes, kishim besim se do e fitonim. Kjo fitore do të na ndihmojë shumë edhe për vazhdimësinë në kampionat, pasi nuk ndodhemi në pozita të mira. Sa i përket konkurrencës, kemi patur nevojë për afrime, sepse ekipi nuk ka qenë i plotësuar, por na kanë dhënë freski. Konkurrenca na ka bërë mirë”, u shpreh sulmuesi Klejdi Daci.
