Në zonat malore të qarkut të Korçës janë rikthyer reshjet e borës. Më së shumti borë ka pasur në lartësitë mbi 1400m kryesisht në majë të “Bigllës” ku trashësia ka shkuar në 5 cm si dhe në aksin rrugor Shtyllë – Mashkullore.
Reshjet nuk kanë shkaktuar probleme në qarkullimin e mjeteve, kjo për shkak të temperaturave të cilat shkojnë deri në 7 gradë celsius.
Po ashtu mësohet se nuk ka pasur probleme me furnizimin me energji elektrike edhe në kushte kur mbrëmjen e djeshme ka pasur reshje të shumta shiu shoqëruar me erëra të forta.
Probleme ka pasur vetëm në një lagje të qytetit të Pogradecit, por energjia elektrike është rikthyer ditën e sotme.
