Milani ka filluar të mendoj me nxitim për repartin e sulmuesi. Vera po afron dhe konfirmimi i dëshirës së Giroud për të provuar një aventurë të re diku tjetër i detyron kuqezinjtë të përshpejtojnë.
Nga ana tjetër, çmimet në merkato për sulmuesit tani janë të çmendura: për të siguruar profile të rëndësishme është e nevojshme të shpenzohen miliona euro.
Megjithatë të mendosh përpara është një nga çelësat e suksesit dhe nuk është rastësi që lëvizjet në frontin Joshua Zirkzee kanë filluar tashmë në shtëpinë e “Djallit”, por jo vetëm kaq.
Zirkzee, për të cilin rikthimi në Bayern Munich duket shumë i vështirë (bavarezët mund ta blejnë atë për 40 milionë euro), është emri i preferuar te Milanello: ngjashmëria me Ibrahimovic është një faktor domethënës.
Djali me kaçurrelat e trasha do të ishte, të paktën në letër, pasardhësi i Olivier Giroud pas formës fantastike që ka shfaqur në Serie A te Bologna.
Të dy, megjithëse kanë karakteristika shumë të ndryshme, ndajnë të njëjtën uri. Francezi, kontrata e të cilit skadon në qershor, e ka kuptuar se ai nuk do të jetë pika e referimit në Milano nga qershori e në vazhdim: prandaj po mendon për një përvojë të re.
Ndoshta një aventurë me yje dhe është në diskutime për një transferim te Los Angeles FC. Giroud, i cili mbërriti në ekipin e Piolit pa asnjë kosto, doli të ishte një marrëveshje e shkëlqyer: Milani do të duhet të ndajë një buxhet të konsiderueshëm për sulmuesin e ri.
Për Zirkzee, konkurrenca nga Manchester United, do të jetë e fortë, por ai nuk është emri i vetëm: Sesko nga Leipzig dhe Gimenez nga Feyenoord, një meksikan që tashmë është eksploruar në të kaluarën, janë gjithashtu në listë. Ka vetëm një siguri për momentin: fjalën e fundit do ta ketë Ibrahimovic.
